திருக்குறள் அரங்கேற்றம்.

 மதுரையிலே தமிழ் அரசர்கள் சங்கம் அமைத்து தமிழ் வளர்த்தனர். மூன்று சங்கங்கள் இருந்தன. கடைசியாக இருந்த சங்கம் கி.மு.300க்கும் கி.பி.250க்கும் இடைப்பட்டது. அப்போதுதான் திருக்குறள் புலவர்கள் நடுவிலே பாடி அறிமுகம் செய்யப்பட்ட சைவ திருக்குறள்.

திருக்குறள் எல்லா மதத்தினரும் பின்பற்றக்கூடியவகையில் எழுதப்பட்டிருப்பினும் அஃது சைவத்தமிழர் வள்ளுவர் எழுதியதுதான். பல குறள்களில் சைவம் பற்றியே வருகிறது. உ+ம்:திருவள்ளுவமாலை திருவள்ளுவமாலையில் திருக்குறள் அரங்கேற்றம் செய்யப்பட்டபோது தெய்வத்தின் குரலாக அசரீரி வானில் ஒலித்தது முதல் வெண்பாவாகவும் ஔவையார் சொன்ன குறள்வெண்பா கடை வெண்பாவாகவும் ஆக ஐம்பத்து ஐந்து வெண்பாக்கள் இங்கே தொகுத்து வழங்கப்பட்டுள்ளது. இதில் இன்னொரு சிறப்பு என்னவெனில், கல்விக்குத் தெய்வமாகிய கலைமகளே ஒரு வெண்பாவை அளித்துள்ளார். அது இரண்டாவது வெண்பாவாக வைக்கப்பட்டுள்ளது. மேலும் கபிலர், பரணர், நக்கீரர் போன்ற சங்கப் புலவர்களும் திருவள்ளுவரைப் போற்றி வெண்பா இயற்றியுள்ளனர். அந்த வெண்பாக்களின் தொகுப்பை இங்கே காணலாம்.

1. அசரீரி

திருத்தகு தெய்வத் திருவள் ளுவரோ

டுருத்தகு நற்பலகை யொக்க – இருக்க

உருத்திர சன்மர் எனவுரைத்து வானில்

ஒருக்கவோ என்றதோர் சொல்.

2. நாமகள்

நாடா முதல்நான் மறைநான் முகன்நாவில்

பாடா இடைப்பா ரதம்பகர்ந்தேன் – கூடாரை

எள்ளிய வென்றி இலங்கிலைவேல் மாறபின்

வள்ளுவன் வாயதென் வாக்கு.

3. இறையனார்

என்றும் புலரா தியாணர்நாள் செல்லுகினும்

நின்றலர்ந்து தேன்பிலிற்றும் நீர்மையதாய்க் – குன்றாத

செந்தளிர்க் கற்பகத்தின் தெய்வத் திருமலர்போன்ம்

மன்புலவன் வள்ளுவன்வாய்ச் சொல்.

4. உக்கிரப் பெருவழுதியார்

நான்மறையின் மெய்ப்பொருளை முப்பொருளா நான்முகத்தோன்

தான்மறைந்து வள்ளுவனாய்த் தந்துரைத்த – நூன்முறையை

வந்திக்க சென்னிவாய் வாழ்த்துக நன்னெஞ்சம்

சிந்திக்க கேட்க செவி.

5. கபிலர்

தினையளவு போதாச் சிறுபுன்னீர் நீண்ட

பனையளவு காட்டும் படித்தால் – மனையளகு

வள்ளைக் குறங்கும் வளநாட வள்ளுவனார்

வெள்ளைக் குறட்பா விரி.

6. பரணர்

மாலும் குறளாய் வளர்ந்திரண்டு மாணடியால்

ஞாலம் முழுவதும் நயந்தளந்தான் – வாலறிவின்

வள்ளுவரும் த்ங்குறள்வெண் பாவடியால் வையத்தார்

உள்ளுவவெல் லாமளந்தார் ஓர்ந்து.

7. நக்கீரர்

தானே முழுதுணர்ந்து தண்டமிழின் வெண்குறளால்

ஆனா அறமுதலா அந்நான்கும் – ஏனோருக்

கூழி னுரைத்தாற்கும் ஒண்ணீர் முகிலுக்கும்

வாழியுல கென்னாற்றும் மற்று.

8. மாமூலனார்

அறம்பொரு ளின்பம்வீ டென்னும் அந்நான்கின்

திறம்தெரிந்து செப்பிய தேவை – மறந்தேயும்

வள்ளுவன் என்பானோர் பேதை அவன்வாய்ச்சொல்

கொள்ளார் அறிவுடையார்.

9. கல்லாடர்

ஒனறே பொருளெனின் வேறென்ப வேறெனின்

அன்றென்ப ஆறு சமயத்தார் – நன்றென

எப்பா லவரும் இயைபவே வள்ளுவனார்

முப்பால் மொழிந்த மொழி.

10. சீத்தலைச் சாத்தனார்

மும்மலையும் முந்நாடும் முந்நதியும் முப்பதியும்

மும்முரசும் முத்தமிழும் முக்கொடியும் – மும்மாவும்

தாமுடைய மன்னர் தலைமுடிமேல் தாரன்றோ

பாமுறைதேர் வள்ளுவர்முப் பால்.

11. மருத்துவன் தாமோதரனார்

சிந்திநீர்க் கண்டம் தெறிசுக்குத் தேனளாய்

மோந்தபின் யார்க்கும் தலைக்குத்தில் – காந்தி

மலைக்குத்து மால்யானை வள்ளுவர்முப் பாலால்

தலைக்குத்துத் தீர்வுசாத் தற்கு.

12. நாகன் தேவனார்

தாளார் மலர்ப்பொய்கை தாங்குடைவார் தண்ணீரை

வேளா தொழிதல் வியப்பன்று – வாளாதாம்

அப்பால் ஒருபாவை ஆய்பவோ வள்ளுவனார்

முப்பால் மொழிமூழ்கு வார்.

13. அரிசில் கிழார்

பரந்த பொருளெல்லாம் பாரறிய வேறு

தெரிந்து திறந்தொறும் சேரச் – சுருங்கிய

சொல்லால் விரித்துப் பொருள்விளங்கச் சொல்லுதல்

வல்லாரார் வள்ளுவரல் லால்.

14. பொன்முடியார்

கானின்ற தொங்கலாய் காசிபனார் தந்ததுமுன்

கூநின் றளந்த குறளென்ப – நூன்முறையான்

வானின்று மண்ணின் றளந்ததே வள்ளுவனார்

தாநின் றளந்த குறள்.

15. கோதமனார்

ஆற்ற லழியுமென் றந்தணர்கள் நானமறையை

போற்றி யுரைத்தேட்டின் புறத்தெழுதார் - ஏட்டெழுதி

வல்லுநரும் வல்லாரும் வள்ளுவனார் முப்பாலைச்

சொல்லிடினும் ஆற்றல்சோர் வின்று.

16. நத்தத்தனார்

ஆயிரத்து முந்நூற்று முப்ப தருங்குறளும்

பாயிரத்தி னோடு பகர்ந்தற்பின் – போயொருத்தர்

வாய்க்கேட்க நூலளவோ மன்னு தமிழ்ப்புலவ

ராய்க்கேட்க வீற்றிருக்க லாம்.

17. முகையலூர்ச் சிறுகருந்தும்பியார்

உள்ளுதல் உள்ளி உரைத்தல் உரைத்ததனைத்

தெள்ளுதல் அன்றே செயற்பால – வள்ளுவனார்

முப்பாலின் மிக்க மொழியுண் டெனப்பகர்வார்

எப்பா வலரினும் இல்.

18. ஆசிரியர் நல்லந்துவனார்

சாற்றிய பல்கலையும் தப்பா அருமறையும்

போற்றி உரைத்த பொருளெல்லாம் – தேற்றவே

முப்பால் மொழிந்த முதற்பா வலரொப்பார்

எப்பா வலரினும் இல்.

19. கீரந்தையார்

தப்பா முதற்பாவால் தாமாண்ட பாடலினான்

முப்பாலின் நாற்பால் மொழிந்தவர் – எப்பாலும்

வைவைத்த கூர்வேல் வழுதி மனமகிழ

தெய்வத் திருவள்ளு வர்.

20 சிறுமேதாவியார்

வீடொன்று பாயிரம் நான்கு விளங்கறம்

நாடிய முப்பத்து மூன்றொன்றூழ் – கூடுபொருள்

எள்ளில் எழுப திருபதிற் றைந்தின்பம்

வள்ளுவர் சொன்ன வகை.

21. நல்கூர் வேள்வியார்

உப்பக்கம் நோக்கி உபகேசி தோள்மணந்தான்

உத்தர மாமதுரைக் கச்சென்ப – இப்பக்கம்

மாதானு பங்கி மறுவில் புலச்செந்நாப்

போதார் புனற்கூடற் கச்சு

22. தொடித்தலை விழுத்தண்டினார்

அறநான் கறிபொருள் ஏழொன்று காமத்

திறமூன் றெனப்பகுதி செய்து – பெறலரிய

நாலும் மொழிந்தபெரு நாவலரே நன்குணர்வார்

போலும் ஒழிந்த பொருள்.

23. வெள்ளி வீதியார்

செய்யா மொழிக்கும் திருவள் ளுவர்மொழிந்த

பொய்யா மொழிக்கும் பொருளொன்றே – செய்யா

அதற்குரியர் அந்தணரே ஆராயின் ஏனை

இதற்குரியர் அல்லாதார் இல்.

24. மாங்குடி மருதனார்

ஓதற் கெளிதாய் உணர்தற் கரிதாகி

வேதப் பொருளாய் மிகவிளங்கித் – தீதற்றோர்

உள்ளுவதோ றுள்ளுமுவதோ றுள்ளம் உருக்கும்

வள்ளுவர் வாய்மொழி மாண்பு.

25. எறிச்சலூர் மலாடனார்

பாயிரம் நான்கில் லறமிருபான் பன்மூன்றே

தூய துறவறம்ஒன் றூழாக – ஆய

அறத்துப்பால் நால்வகையா ஆய்ந்துரைத்தார் நூலின்

திறத்துப்பால் வள்ளுவனார் தேர்ந்து.

26. போக்கியார்

அரசியல் ஐயைந் தமைச்சியல் ஈரைந்

துருவல் அரணிரண்டொன் றொண்கூழ் – இருவியல்

திண்படை நட்புப் பதினேழ் குடிபதிமூன்

றெண்பொருள் ஏழாம் இவை.

27. மோசி கீரனார்

ஆண்பால்ஏழ் ஆறிரண்டு பெண்பால் அடுத்தன்பு

பூண்பால் இருபால்ஓர் ஆறாக – மாண்பாய்

காமத்தின் பக்கமொரு மூன்றாகாக் கட்டுரைத்தார்

நாமத்தின் வள்ளுவனார் நன்கு.

28. காவிரிப்பூம்பட்டினத்து காரிக்கண்ணனார்

ஐயாறும் நூறும் அதிகாரம் மூன்றுமா

மெய்யாய வேதப் பொருள்விளங்கப் – பொய்யாது

தந்தான் உலகிற்குத் தான்வள் ளுவனாகி

அந்தா மரைமேல் அயன்.

29. மதுரைத் தமிழ்நாகனார்

எல்லாப் பொருளும் இதன்பா லுளஇதன்பால்

இல்லாத எப்பொருளும் இல்லையால் – சொல்லால்

பரந்தபா வாலென் பயன்வள் ளுவனார்

சுரந்தபா வையத் துணை.

30. பாரதம் பாடிய பெருந்தேவனார்

எப்பொருளும் யாரும் இயல்பின் அறிவுறச்

செப்பிய வள்ளுவர்தாம் செப்பவரும் – முப்பாற்கு

பாரதஞ்சீ ராம கதைமனுப் பண்டைமறை

நேர்வன மற்றில்லை நிகர்.

31. உருத்திர சன்ம கண்ணர்

மணற்கிரைக்க நீரூறும் மைந்தர்கள் வாய்வைத்

துணச்சுரக்கும் தாய்முலை ஒண்பால் – பிணக்கிலா

வாய்மொழி வள்ளுவர் முப்பால் மதிப்புலவோர்க்

காய்தொறும் ஊறும் அறிவு.

32. பெருஞ்சித்திரனார்

ஏதமில் வள்ளுவர் இங்குறள்வெண் பாவினால்

ஓதிய ஒண்பொருள் எல்லாம் உரைத்ததனால்

தாதவிழ் தார்மாற தாமே தமைப்பயந்த

வேதமே மேதக் கன.

33. நரிவெரூஉத்தலயார்

இன்பம் பொருளறம் வீடென்னும் இந்நான்கும்

முன்பறியச் சொன்ன முதுமொழியால் – மன்பதைகட்

குள்ள அரிதென் றவைவள் ளுவருலகங்

கொள்ள மொழிந்தார் குறள்.

34. மதுரைத் தமிழாசிரியர் செங்குன்றூர்க் கிழார்

புலவர் திருவள் ளுவரன்றிப் பூமேல்

சிலவர் புலவரெனச் செப்பல் – நிலவு

பிறங்கொளிமா லைக்கும் பெயர்மாலை மற்றும்

கறங்கிருள்மா லைக்கும் பெயர்.

35. மதுரை அறுவைவணிகன் இளவேட்டனார்

இனபமும் துன்பமும் என்னும் இவையிரண்டும்

மன்பதைக் கெல்லாம் மனமகிழ – அன்பொழியா

துள்ளி உணர உரைத்தாரே ஓதுசீர்

வள்ளுவர் வாயுரை வாழ்த்து.

36 . கவிசாகரப் பெருந்தேவனார்

பூவிற்குத் தாமரையே பொன்னுக்குச் சாம்புநதம்

ஆவிற் கருமுனி ஆயானைக் கமரரும்பல்

தேவில் திருமால் எனச்சிறந்த தென்பவே

பாவிற்கு வள்ளுவர்வெண் பா.

37. மதுரைப் பெருமருதனார்

அறமுப்பத் தெட்டுப் பொருளெழுப தின்பத்

திறமிருபத் தைந்தால் தெளிய – முறைமையால்

வேத விழுப்பொருளை வெண்குறளால் வள்ளுவனார்

ஓதவழுக் கற்ற துலகு.

38. கோவூர் கிழார்

அறமுதல் நான்கும் அகலிடத்தோர் எல்லாம்

திறமுறத் தேர்ந்து தெளிய – குறள்வெண்பாப்

பன்னிய வள்ளுவனார் பால்முறைதேர் ஒவ்வாதே

முன்னை முதுவோர் மொழி.

39. உறையூர் முதுகூற்றனார்

தேவிற் சிறந்த திருவள் ளுவர்குறள்வெண்

பாவிற் சிறந்திடுமுப் பால்பகரார் – நாவிற்

குயலில்லை சொற்சுவை ஓர்வில்லை மற்றும்

செயலில்லை என்னும் திரு.

40. இழிகட் பெருங்கண்ணனார்

இம்மை மறுமை இரண்டும் எழுமைக்கும்

செம்மை நெறியின் தெளிவுபெற – மும்மையின்

வீடவ்ற்றின் நாங்கின் விதிவிளங்க வள்ளுவனார்

பாடினார் இங்குறள்வெண்பா.

41. செயிர்க் காவிரியார் மகனார் சாத்தனார்

ஆவனவும் ஆகா தனவும் அறிவுடையார்

யாவரும் வல்லார் எடுத்தியம்பத் – தேவர்

திருவள் ளுவர்தாமும் செப்பியவே செய்வார்

பொருவில் ஒழுக்கம்பூண்டார்.

42. செயலூர்க் கொடுஞ்செங்கண்ணனார்

வேதப் பொருளை விரகால் விரித்துலகோர்

ஓதத் தமிழால் உரைசெய்தார் – ஆதலால்

உள்ளுநர் உள்ளும் பொருளெல்லாம் உண்டென்ப

வள்ளுவர் வாய்மொழி மாட்டு.

43. வண்ணக்கஞ் சாத்தனார்

ஆரியமும் செந்தமிழும் ஆராய்ந் திதனினிது

சீரிய தென்றொன்றைச் செப்பரிதால் – ஆரியம்

வேதம் உடைத்துத் தமிழ்திரு வள்ளுவனார்

ஓது குறட்பா உடைத்து.

44. களத்தூர் கிழார்

ஒருவர் இருகுறளே முப்பாலின் ஓதும்

தருமம் முதல்நான்கும் சாலும் – அருமறைகள்

ஐந்தும் சமயநூல் ஆறும்நம் வள்ளுவனார்

புந்தி மொழிந்த பொருள்.

45. நச்சுமனார்

எழுத்தசை சீரடி சொற்பொருள் யாப்பு

வழுக்கில் வனப்பணி வண்ணம் – இழுப்பின்றி

என்றெவர் செய்தன எல்லாம் இயம்பின

இன்றிவர் இன்குறள்வெண் பா.

46. அக்காரக்கனி நச்சுமனார்

கலைநிரம்பிக் காண்டற் கினிதாகிக் கண்ணின்

நிலைநிரம்பு நீர்மைத் தெனினும் – தொலைவிலா

வானூர் மதியம் தனக்குண்டோ வள்ளுவர்முப்

பானூல் நயத்தின் பயன்.

47. நப்பாலத்தனார்

அறந்தகளி ஆன்ற பொருள்திரி இன்பு

சிறந்தநெய் செஞ்சொல்தீத் தண்டு – குறும்பாவா

வள்ளுவனார் ஏற்றினார் வையத்து வாழ்வார்

உள்ளிருள் நீக்கும் விளக்கு

48. குலபதி நாயனார்

உள்ளக் கமலம் மலர்த்தி உளத்துள்ள

தள்ளற் கரியவிருள் தள்ளுதலால் – வள்ளுவனார்

வெள்ளைக் குறட்பாவும் வெங்கதிரும் ஒக்குமென

கொள்ளத் தருங்குணத்தக் கொண்டு.

49. தேனீக்குடிக் கீரனார்

பொய்ப்பால பொய்யேயாயப் போயினபொய் அல்லாத

மெய்ப்பால மெய்யாய் விளங்கினவே – முப்பாலின்

தெய்வத் திருவள் ளுவர்செப் பியகுறளால்

வையத்து வாழ்வார் மனத்து.

50. கொடிஞாழல் மாணிபூதனார்

அறனறிந்தோம் ஆன்ற பொருளறிந்தோம் இன்பின்

திறன்தெரிந்தோம் வீடு தெளிந்தோம் – மறனெறிந்த

வாளார் நெடுமாற வள்ளுவனார் தம்வாயால்

கேளா தனவெல்லாம் கேட்டு.

51. கவுணியனார்

சிந்தைக் கினிய செவிக்கினிய வாய்க்கினிய

வந்த இருவினைக்கு மாமருந்து – முந்தய

நன்னெறி நாமறிய நாப்புலமை வள்ளுவனார்

பன்னிய இன்குறள்வெண் பா.

52. மதுரைப் பாலாசிரியனார்

வெள்ளி வியாழம் விளங்கிரவி வெண்திங்கள்

பொள்ளென நீக்கும் புறஇருளைத் தெள்ளிய

வள்ளுவர் இன்குறள் வெண்பா அகிலத்தோர்

உள்ளிருள் நீக்கும் ஒளி.

53. ஆலங்குடி வங்கனார்

வள்ளுவர் பாட்டின்வளம் உரைக்கின் வாய்மணக்கும்

தெள்ளமுதின் தீஞ்சுவையும் ஒவ்வாதால் – தெள்ளமுதம்

உண்டறிவார் தேவர் உலகுடைய உண்ணுமால்

வண்டமிழின் முப்பால் மகிழ்ந்து.

54. இடைக்காடர்

கடுகைத் துளைத்தேழ் கடலைப் புகட்டிக்

குறுகத் தறித்த குறள்.

55. ஔவையார்

அணுவைத் துளைத்தேழ் கடலைப் புகட்டிக்

குறுகத் தறித்த குறள்.

புலவர்கள் நடுவிலே பாடி அறிமுகம் செய்யப்பட்ட சைவ திருக்குறள்.